Намилзгана буюу умдагны бөөс нь 1-3 мм хэмжээтэй, шар саарал өнгөтэй шавьж бөгөөд микроскопоор харахад жижигхэн хавч, наймаалжтай төстэй харагддаг. Гэхдээ умдагны намилзганыг энгийн нvдээр ч харж болох бөгөөд эдгээр нь үсний угт наалдсан жижиг будаанцар шиг харагддаг. Эдгээр нь гол төлөв бэлэг эрхтний эргэн тойрны үсэрхэг газар байрладаг ба зарим тохиолдолд суга, сахал, хөмсөг болон сормуусан дээр үүрлэсэн байдаг.

Биений юмны хэвийн үйл ажиллагаа мэдрэл-дотоод шүүрлийн зохицуулалтын дор явагддаг. Тухайлбал их тархины гадар, харааны товгор, өнчин тархи, өндгөвч, умай гэсэн дараалсан зохицуулгаар биений юмны үйл ажиллагаа явагддаг. Эдгээр зохицуулгын янз бүрийн түвшинд алдагдал үүсэхэд умайн цус алдалтаас эхлэн биений юм ирэхгүй байх хүртэл биений юмны мөчлөгийн хямрал гарна.

Биений юм 6 сар ба түүнээс дээш хугацаанд ирэхгүй байхыг биений юмгүйдэл гэнэ. Мөн биений юм хомсдох хам шинж гэж байна. Үүнд гарах цусны хэмжээ багасах, биений юмны цус гарах хугацаа богиносох, хааяа биений юм жилдээ хэдхэн удаа ирэх зэргээр илэрнэ.

Сарын тэмдгийн мөчлөгтэй холбоогүйгээр умайгаас цус алдахыг хэлнэ. Өөрөөр хэлбэл сарын тэмдэг ирээгүй байхад эсвэл ирсний дараа умайгаас цус алдахыг умайн үйл ажиллагааны гаралтай цус алдалт гэнэ. Шалтгаан нь олон янз бөгөөд үүнээс дааврын зохицуулга алдагдсанаас ихэвчлэн үүсдэг.

Үрийн шингэнд эр бэлгийн эсийн тоо, хөдөлгөөн, бүтэц болон үр тогтоох чадамж хэр байгааг шинжлэх аргыг спермограмм гэнэ. Гэр бүл үргүйдлийн шалтгааны 31,3% нь эрчүүдээс шалтгаалдаг гэж ДЭМБ-ийн судалгаанд дурдсан байдаг.